2022-ta viti i “Minatorëve”, viti kur KB Trepça nisi rikthimin në majën e basketbollit kosovar
Viti 2022 mund të konsiderohet si njëri nga vitetet më të suksesshme për KB Trepça, shkruan Mitropol.
Në këtë vit “minatorët”, nisën rikthimin në majën e basketbollit kosovar.
Trepça këtë vit arriti ta fitonte Kupën e Kosovës duke mposhtur në finale Bashkimin, dhe Superkupën e Ligës Unike, duke mposhtur në finale Tiranën.
Por nuk mbaron me kaq, organizimi i mirë dhe dëshira për suksese ndikuan që “xehëtarët” në vitin 2022 ta shihnin veten edhe në finalen e Superligës së Kosovës në basketboll, dhe në finalen e Superkupës së Kosovës në basketboll.
Trepça në vitin 2023 hyn me pretendime të mëdha, gjersa synimi kryesor është titulli kampion. /Mitropol/
