Ka filluar konferenca e jashtëzakonshme e ministrave të jashtëm të vendeve të NATO-së lidhur me pushtimin e Ukrainës nga Rusia.
Në konferencë po merr pjesë edhe Ministrja e Shqipërisë, Olta Xhaçka.
Xhaçka është takuar me sekretarin amerikan Antony Blinken, sekretarin e përgjithshëm të NATO-s, Jens Stoltenberg dhe Komandantin e Komandës Supreme të Forcave aleate për Evropën, gjeneral Tod Walters.
Ministrat e Punëve të Jashtme të vendeve aleate pritet të diskutojnë mbi pasojat e agresionit ushtarak të Rusisë ndaj Ukrainës duke konfirmuar se vendet e NATO-s vijojnë të reagojnë plotësisht të bashkuar dhe në unison ndaj krizës më të madhe të sigurisë në Evropë që prej dekadash.
