Barrikadat e vendosura dje pranë kryqit në Rudar janë hequr thuajse tërësisht, përveç një kamioni i cili siç mësuam në vendngjarje, për shkak të një avarie është ende aty në rrugë tërthore, transmeton Mitropol.
Në mesin e të paktën tetë kamionëve që u larguan nga vendi i barrikadës, një nga ta ishte me shenja të OSBE-së dhe një me shenja të KFOR-it.
Aktualisht në vendngjarje ka një numër të madh gazetarësh, ndërsa qytetarët e grumbulluar ditën e djeshme pothuajse janë zhdukur.
Numri i pjesëtarëve të Policisë së Kosovës është jashtëzakonisht i vogël.
Menjëherë pas heqjes së barrikadave, gazetarët e portalit KoSSev takuan në Rudar nënkryetarin e Listës Serbe dhe deputetin e Kuvendit të Kosovës, Igor Simiq, i cili nuk pranoi t’u përgjigjej pyetjeve duke thënë se është “përgjegjës ndaj serbëve, njerëzve, jo ndaj nesh.”/Mitropol/
