Shqiptarët protestojnë para ambasadës serbe në SHBA në mbështetje të vëllezërve në Mitrovicë
Shqiptarët në ShBA protestuan para ndërtesës së misionit serb në Nju Jork rreth orës 18:00 të së shtunës. Në tubimin e parapërgatitur nën moton “Në mbështetje të Mitrovicës”, ata bartën flamujt e Shqipërisë, Kosovës, SHBA-së, por edhe një flamur të UÇK-së, përcjell “Mitropol”.
Në këtë protestë u shpalosën edhe pankartat me fjalët “Mitrovica është Kosovë”, “Serbia do luftë, ne duam paqe”, shprehje të mbështetjes për Amerikën dhe pankarta që tregonin se Serbia qëndron me Rusinë.
“Jom prej venit t’Isë Boletinit, nuk ta lshojmë shka kurrë kufinin!”, brohorisnin shqiptarët në Nju Jork me flamurin Autochtonous në duar.
Në tubim pati edhe mesazhe si “Serbisë i mungon NATO-ja”, si dhe pyetja “Ku është Bill-i kur na duhet më shumë?”, me foton e ish-presidentit amerikan Bill Clinton, lajmëtarit të pavarësisë së Kosovës dhe figurës më të urryer amerikane për serbët.
Para ndërtesës së ambasadës serbe pati edhe vallëzim, pas së cilit protestuesit u shpërndanë.
Ndryshe, organizata “Rrënjët shqiptare” para dy ditësh në llogarinë e saj në Twitter ka publikuar ftesën për tubim para selisë së misionit të Serbisë.
Perbadh Ambasades Serbe në Nju Jork! 🇺🇸🇽🇰🇦🇱#Mitrovica #Kosova pic.twitter.com/Cl2Wov8SZu
— Albanian Roots 🇦🇱 (@AlbanianRoots) December 17, 2022
“Ju lutemi bashkohuni me komunitetin shqiptaro-amerikan në mbështetjen e vëllezërve dhe motrave tona në Mitrovicë”, thuhej në llogarinë e organizatës në Twitter./Mitropol/
