Pas mashtrimeve në lidhje me origjinën e produkteve serbe, Inspektorët Komunal në Mitrovicë dalin në teren
Inspektorët komunal të Mitrovicës sonte kanë nisur fushatën e tyre inspektuese në marketet e qytetit, shkruan Mitropol.
Misioni i tyre është që të shikojnë në rast se marketet në Mitrovicë po vendosin flamuj të tjerë mbi origjinën e produkteve serbe.
Lajmin për këtë inspektim e ka bërë të ditur drejtori i inspekcionit, Valon Brahimi.
Deri tek ky inspektim ka ardhur për shkak se në rrjetet sociale po qarkullonte një foto e pijeve “Fanta” të prodhuara në Serbi, gjersa poshtë tyre ishte i vendosur një flamur gjerman.
