Komuna e Mitrovicës lë pa transport qe gati 2 muaj nxënësit e fshatrave Mazhiq, Tërstenë dhe Rashan

Komuna e Mitrovicës duket se nuk e ka fort problem se si nxënësit e fshatrave të arrijnë për shkollim në qytet për në shkollë të mesme, shkruan “Mitropol”.

Siç ka bërë të ditur asambleisti i VV-së, Kushtrim Zeneli mbi 50 nxënës të shkollave të mesme të fshatrave Mazhiq, Tërstenë dhe Rashan, po hyjnë në muajin e dytë pa transport.

Duke pyetur se deri kur duhet të vazhdojë kjo çasje irrituese e Komunës ndaj qytetarëve, ai ka treguar se me gjithë kërkesat e shumta në Drejtorinë e Arsimit kjo çështje ende nuk po gjen mbështetje./Mitropol/