Nxënësi i përjashtuar plagos disa persona në një shkollë fillore në Bosnjë
Një nxënës ka shtënë me armë zjarri në shkollën fillore të Lukavacit në Tuzlla të Bosnjës të mërkurën në mëngjes, duke lënë disa të plagosur, asnjëri prej tyre i mitur, ka konfirmuar kryetari i kësaj komune, Edin Deliq.
Deliq ka bërë apel te prindërit që të mos panikohen, pasi nuk ka asnjë nxënës viktimë.
Sipas mediave boshnjake, nxënësi qe i përjashtuar nga kjo shkollë më herët për sjellje të këqija.
Ai ka plagosur rëndë punonjësin e shkollës, i cili gjendet në sallën e operacionit. Ende s’ka detaje për personat e tjerë.
Nxënësi u arrestua menjëherë. Ai i përket datëlindjes së vitit 2008.
