EKSKLUZIVE: Minatorët e Trepçës nuk fillojnë punën sot, nuk u respektua marrëveshja për pagat
Ndërrimi i parë i minatorëve të Trepçës sot nuk ka filluar punën, raporton Veriu info.
Kështu ka mësuar gazeta nga burimet e saja brenda minierës së Trepçës.
Arsyeja mësohet të jetë mosrespektimi i marrëveshjes nga ana e menaxhmentit për ekzekutimin e pagave deri më datën 10.
Punëtorët e gjigantit metalurgjik nuk kanë marrë ende pagat e muajit nëntor.
Çështja e pagave ishte njëra nga pikat e marrëveshjes mes minatorëve dhe menaxhmentit për dalje nga greva javë më parë.
