Dukato 2
02LAJME

EKSKLUZIVE: Ky është punëtori 21 vjeçar që u rrëzua nga ndërtesa e “Ariani Company”, Prokuroria nis hetimet

Dita e djeshme ishte ditë pafat për njërin nga punëtorët e angazhuar në punimet në objektin e firmës nga Vushtrria, “Ariani Company” në Mitrovicë, njofton “Mitropol”.

Kjo pasi një punëtor dyshohet se ka rënë nga kati i dytë i ndërtesës nga pakujdesia. Zakonisht këto fatkeqësi ndodhin në ndërtim, kryesisht në kompanitë gjigante me pasuri milionëshe.

Medi

Burime ekskluzive të “Mitropol” njoftojnë se bëhet fjalë për punëtorin 21 vjeçar, Arlind Sejdijaj.

I njejti siç mëson “Mitropol” ka pësuar frakturë (thyerje) në dy duart me ç’rast është dërguar me urgjencë në QKUK në Prishtinë. Momentalisht 21 vjeçari i lënduar rëndë ndodhet jashtë rrezikut për jetë dhe vazhdon të trajtohet nga mjekët.

Për momentin e rrëzimit të të riut në Polici janë deklaruar edhe dy dëshmitarë të rastit, gjersa Policia ka vazhduar me kryerjen ekzaminimeve në vendin e ngjarjes.

“Mitropol” poashtu ka mësuar se me urdhër të Prokurorit të Shtetit është iniciuar hetimi për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Kujtojmë se pronar i firmës “Ariani Company Sh.P.K të regjistruar në regjistrin e bizneseve më 8 janar 2014 është afaristi i njohur vushtrrias, Arsim Imeri.

Gazeta gjatë ditës ka dërguar pyetje edhe firmës “Ariani Company” në lidhje me rastin por të njejtit nuk kanë kthyer përgjigje deri në momentin e publikimit të artikullit./Mitropol/

 

Active