Tahiri: E pavërtetë propaganda e Qeverisë për ndryshime në veri – atje s’ka sovranitet, forcat e KFOR-it po shtohen çdo ditë
Ish kryenegociatorja e dialogut Kosovë-Serbi, Edita Tahiri, ka thënë se veriu nuk ka sovranitet të shtetit dhe ka protektorat të shtuar, ku forcat e KFOR-it po shtohen çdo ditë.
Ajo përmes një postimi në Facebook, ka thënë se është e pavërtetë propaganda e Qeverisë se në veri ka ndryshime thelbësore, pasi atje nuk funksionon asgjë, përpos Policisë në atë pjesë.
Ajo ka shtuar se në qeveritë e kaluara e kanë shtrirë sovranitetin në veri, institucionet, kufirin me Serbinë dhe pikat kufitare.
