Një incident i tmerrshëm ka ndodhur gjatë ndeshjes Sharri – Lepenci, ku skuadra mysafire është sulmuar nga futbollistët e pastaj nga tifozët vendas.
Lepenci zhvilloi të dielën përballjen ndaj Sharrit, sfidë kjo e vlefshme për Ligën e Dytë të Kosovës mirëpo që u ndëpre disa herë.
Lojtarët e pastaj edhe tifozët vendas i sulmuan kundërshtarët, ku tani është publikuar një video – ku shihen më së miri tifozët duke e gjuajtur me gurë autobusin ku gjendeshin futbollistët e Lepencit.
“A keni pshtu o djem”, është një nga fjalitë ku dëgjohet një pjesëtarë i stafit që iu drejtohet lojtarëve.
Ndër të tjera, janë publikuar edhe disa fotografi të lojtarëve mysafirë që kanë mbetur të lënduar nga përleshja me lojtarët e Sharrit.
