Medi
LAJME

Abdixhiku: Kosovës i duhet qeveri që parandalon zhbërjen e shtetit – 26 janari si datë për zgjedhje

Kryetari i Lidhjes Demokratike të Kosovës, Lumir Abdixhiku ka shtjelluar detajet e takimit me presidenten Vjosa Osmani për caktimin e datës së zgjedhjeve të rregullta.

Në një postim në rrjetin social Facebook, Abdixhiku ka thënë se ka propozuar 26 janarin si datë të zgjedhjeve të ardhshme.

Active

Ai ka insistuar se Kosovës i duhet një qeveri e re që parandalon zhbërjen e shtetit.

“Sot, me ftesë të Presidentes së Republikës së Kosovës, kam marrë pjesë në takimin konsultativ ndërpartiak, të thirrur për caktimin e datës së zgjedhjeve të rregullta”, ka shkruar ai.

“Sipas afateve kushtetuese, konsultimet për datën e zgjedhjeve nisin nga 26 korriku; vetëm 3 javë larg datave të darkave joformale. Ky fakt, në vete, e bën, edhe një herë, përpjekjen e shpërbërjes së Kuvendit e kështu të heqjes së përgjegjësisë nga Qeveria populliste krejt të panevojshëm dhe të dëmshëm”, ka shtuar kryetari i LDK-së.

Ai ka sqaruar se në takim prezent ishin 13 parti të përfaqësuara në Parlamentin e Kosovës. Në takimin e thirrur nga Presidentja nuk morën pjesë Lëvizja Vetëvendosje dhe Lista Serbe.

Premium Store