Një grua ka vdekur pasi ka rënë nga një ndërtesë në rrugën “Jakov Xoxa” në Prishtinë.
Rasti sipas Policisë së Kosovës ka ndodhur rreth orës 19:00.
Zëdhënsja e Policisë së Kosovës për rajonin e Prishtinës, Flora Ahmeti, ka thënë se është duke u punuar për tu sqaruar rrethanat e rastit.
“Sot rreth 19:00 kemi pranuar informatën se në rrugën “Jakov Xoxa” në Prishtinë, një person ka rënë nga një ndërtesë. Viktimë në këtë rast është një person (femër), vdekjen e së cilës e ka konstatuar ekipi mjekësor në vendngjarje. Aktualisht hetuesit policorë në koordinim me prokurorinë përkatëse, janë duke punuar për të sqaruar të gjitha rrethanat që lidhen me rastin”, ka thënë ajo.
