Ndodh në Prishtinë: Prindërit e marrin me dhunë nga vendi ku ishte me të dashurin, vajza i lajmëron në Polici

Numri i rasteve të dhunës në vendin tonë është në rritje çdo ditë e më shumë. Çdo ditë raportohen raste të dhunën në familje nga familjarët e tyre.

Një rast i dhunës në familje është raportuar edhe dje në Prishtinë, ku një 20-vjeçare ka deklaruar se është dhunuar fizikisht dhe psiqikisht nga familjarët e saj.

Burimet e Gazetës Sinjali bëjnë me dije se viktima i ka raportuar në Polici se prindërit e saj, pasi ata kanë shkuar me forcë në vendin ku ajo ndodhej me të dashurin e saj dhe e kanë marrë me dhunë dhe e kanë dërguar në shtëpi.

Të njëjtat burime tregojnë, se vajza vazhdimisht ka pasur dhunë fizike dhe psikike nga prindërit dhe vëllai i saj.

Ajo siç merr vesh Gazeta, është larguar nga shtëpia dhe është strehuar në Strehimore.

Prokurori i Shtetit rastin e ka iniciuar si dhunë në familje, ndërsa të dyshuarit janë liruar me procedurë të rregullt.