
Policia e Kosovës ka gjetur trupin e pa jetë të një gruaje në banesën e saj në ndërtesat e OKI Shpk në rrugën “Marin Barleti” në Mitrovicë, mëson “Mitropol”.
Ngjarja ka ndodhur sonte në orë të vona të mbrëmjes.
“Mitropol” mëson se Policia me ndihmën e zjarrëfikësve kanë thyer derën e hyrjes dhe janë futur brenda hapësirës ku ka banuar gruaja në fjalë ku edhe është gjetur kufoma.
Burime të sigurta të “Mitropol” njoftojnë se e ndjera quhej Kumrije Avdiu, dhe se kishte disa ditë që s’kishte kontaktuar me familjarët.
E ndjera ishte duke jetuar e vetme në banesën e saj dhe ishte punonjëse e Gjykatës Themelore në Mitrovicë.








