Të shtënat me kallash në Rrugën B, krejt çka dihet për ngjarjen që tronditi Prishtinën – dalin pamjet

Policia e Kosovës, pak para mesnatës ka pranuar një informacion për të shtëna me armë zjarri në Rrugën B. Dyshohet se armët e përdorura ishin të tipit kallashnikov.

Dy persona të armatosur me kallash kanë ikur në këmbë në drejtim të rrugës “Prekazi”. Të dyshuarit ishin të veshur me rroba të zeza.

Pas marrjes së informacionit, janë njoftuar të gjitha njësitë policore dhe siç ka raportuar Sinjali është aktivizuar operacioni “Unaza e Çelikt”. Kontrollet në terren janë intensifikuar, ndërsa ende nuk ka informata nëse të dyshuarit janë arrestuar.