Sot pritet të mbahet seanca e 28-të tentuese për konstituimin e Kuvendit, shkruan Mitropol.
Avokati Arianit Koci, i cili të enjten organizoi një protestë para dyerve të kuvendit, sot tha se kjo protestë e tij vazhdon, edhe në këtë tentim.
“Protesta ime vazhdon. Sot, kërkesa ime është e thjeshtë:
Deputetët duhet të heqin dorë nga pagat – derisa ta kryejnë detyrën për të cilën paguhen. Sepse kush merr rrogë pa punuar – mund të quhet edhe hajn.”, shkroi ai.
Postimi i plotë:
Paraprakisht e dijmë:
As sot – nuk do të ketë marrëveshje ndërmjet deputetëve!
Hera e 28-të!
Kjo situatë nuk është më krizë politike – është kthyer në një plan të qëllimshëm për ta zvarritur zgjidhjen, derisa të detyrohet vendi të shkojë në dy palë zgjedhje: lokale dhe të përgjithshme.
Potencialisht, ky është një plan kriminal, me elemente të krimit të organizuar.
——-
Protesta ime vazhdon.
Sot, kërkesa ime është e thjeshtë:
Deputetët duhet të heqin dorë nga pagat – derisa ta kryejnë detyrën për të cilën paguhen.
Sepse kush merr rrogë pa punuar – mund të quhet edhe hajn.
E me e vjedh popullin – nuk ka krim më të madh!
