Deputeti i PDK-së, Përparim Gruda, u shpreh se Gjykata Kushtetuese, ka thënë shprehimisht se nuk mundet që e drejta e partisë fituese për ta propozuar kandidatin për kryetar të Kuvendit, të kthehet nëse mjet bllokimi për kuvendin, shkruan Mitropol.
Sipas tij, aktgjykimi i djeshëm i Kushtetuesës, ka thënë se i takon grupit që e propozoj kryetarin për Kuvend të arrijë marrëveshje, të bëjë kompromis dhe të bëjë konsensus me partitë tjera për t’i siguruar votat.
“Mendoj që Gjykata Kushtetuese ia ka hedhur fajin komplet Lëvizjes Vetëvendosje për bllokadën katërmujore dhe ia ka përcaktuar se duhet dialog konstruktiv, duhet konsensus dhe kompromis për ta zgjedhur kryetarin e kuvendit”, tha Grua në Klan Kosova.
Tutje, ai tha se Lëvizja Vetëvendosje duhet të bëjë një lëshim, e që sipas tij, lëshimi nënkupton ndërrimin e kandidatit për kryetar kuvendi.
Tutje, Gruda tha se VV-ja duhet të ndërrojë kandidatin për kryetar Kuvendi.
“Ky duhet të bëjë një lëshim. Duhet ta ndërrojë kandidatin, i ka 48 deputetë, çka kanë më pak ata deputetë se Albulena Haxhiu”, tha ai./Mitropol/
