Ushtruesi i detyrës së ministrit në detyrë të Infrastrukturës, Hysen Durmishi, ka njoftuar vendosjen nën mbrojtje paraprake të zonës Mali Mokna dhe Liqenit të Ujmanit, duke e cilësuar këtë si një nga vendimet më të rëndësishme për mbrojtjen e natyrës në Kosovë.
Sipas Durmishit, me këtë vendim, Kosova bëhet shteti me përqindjen më të lartë të territorit nën mbrojtje të natyrës në Ballkanin Perëndimor.
“Pas një studimi njëvjeçar në terren, është konstatuar se kjo zonë përbën pasuri të rrallë natyrore, me biodiversitet të pasur dhe peizazhe me rëndësi të veçantë ekologjike e shkencore.
Zona me sipërfaqe prej 192.19 km² tashmë vihet nën mbrojtje paraprake, duke e ngritur në 12.4% përqindjen e territorit të Kosovës që mbrohet ligjërisht.”, ka shkruar ai.
