Vjosa Osmani pret në takim ish-pjesëtarin e Njësisë Speciale, Arbnor Spahiun pas lirimit nga burgu në Serbi

Presidentja e Kosovës, Vjosa Osmani ka njoftuar ae ka pritur në takim ish-pjesëtarin e Njësisë Speciale të Policisë së Kosovës, Arbnor Spahiun, i cili është liruar nga paraburgimi në Serbi pas disa muajsh mbajtjeje peng.

“Arbnorit i urova gjithë të mirat pranë familjes së tij dhe një rikthim sa më të lehtë në normalitet.”, tha Osmani.

Ajo u bëri thirrje qytetarëve që jetojnë jashtë Kosovës dhe që mund të udhëtojnë drejt vendit sidomos gjatë festave të fundvitit, të shmangin kalimin nëpër Serbi, pasi atje vazhdojnë të jenë në pushtet struktura që nuk dallojnë në mendësi nga regjimi i kaluar serb./Mitropol/