Hamza pret OVL UÇK-në: Këta burra bartin me krenari plagët dhe kujtimet e luftës sonë të lavdishme

Kandidati i PDK-së për kryeministër, Bedri Hamza priti sot udhëheqësit e OVL-së së UÇK-së, të cilët i cilësoi si burra që bartin me krenari plagët dhe kujtimet e luftës sonë të lavdishme.

“Çdo rrëfim i tyre na kujton se ky shtet u ndërtua me sakrifica që as koha dhe as harresa nuk mund t’i shlyejnë.

Kosova që duam sot, më e zhvilluar, më e fortë, më dinjitoze, duhet të mbështetet mbi vlerat që heronjtë tanë i mbrojtën me jetë.”, tha Hamza.

“Lavdi të rënëve dhe respekt të përjetshëm për të gjithë ata që dhanë gjithçka për lirinë dhe shtetin tonë!”