“Ju që më keni votuar, nuk keni gabuar”, Adriana Matoshi falënderon mbi 38 mijë votues që e rizgjodhën deputete

Aktorja e njohur shqiptare Adriana Matoshi ka reaguar publikisht pasi është rizgjedhur deputete në Kuvendin e Kosovës, duke shënuar kështu legjislaturën e tretë në karrierën e saj politike.

Përmes një postimi në rrjetin social Facebook, Matoshi ka falënderuar votuesit që i besuan edhe një mandat tjetër, duke bërë të ditur se në këto zgjedhje ka marrë 38.167 vota, nga radhët e Lëvizjes VETËVENDOSJE!.

Ajo e ka cilësuar këtë rezultat si një përgjegjësi të madhe dhe një obligim moral për të punuar në shërbim të qytetarëve dhe të Republikës së Kosovës.