Kryetari i Komunës së Skenderajt, Sami Lushtaku, ka paralajmëruar fillimin e një serie takimesh me qytetarë në fshatra dhe lagje të bashkësive lokale, me qëllim të identifikimit të kërkesave dhe nevojave reale në infrastrukturën publike, shkruan Mitropol.
Sipas njoftimit të Komunës, këto takime do të shërbejnë si platformë diskutimi për çështje që lidhen me përmirësimin e rrugëve, kanalizimit, trotuareve, ndriçimit publik, si dhe nevoja të tjera me interes për qytetarët.
Komuna e Skenderajt fton të gjithë qytetarët dhe përfaqësuesit e lagjeve që, në përputhje me kalendarin e bashkangjitur, të marrin pjesë aktive në këto takime dhe të paraqesin propozimet e tyre.
Nga Komuna bëhet e ditur se qëllimi i këtyre takimeve është që planifikimi i projekteve të ardhshme të bazohet në nevojat reale të qytetarëve dhe të sigurohet një zhvillim më i drejtë dhe më efikas i infrastrukturës publike në gjithë territorin e komunës.
