Kryeprokurori i Gjilanit jep detaje për Sllamnikun: U ndalua për 48 orë, dyshohet për dy vepra penale
Kryeprokurori i Prokurorisë Themelorë në Gjilan, Arben Kadriu ka konfirmuar arrestimin e Arianit Sllamnikut.
Kadriu bëri të ditur se Sllamniku është arrestuar dhe është ndaluar për 48 orë.
Ai po ashtu deklaroi se i njëjti është ndaluar nën dyshimin për dy vepra të ndryshme penale.
“Dyshohet për veprat penale “Ushtrim të kundërligjshëm të veprimtarisë mjekësore ose farmaceutike” nga neni 256 i KPRK-së dhe “Eksperimente të kundërligjshme mjekësore dhe testime të barnave” nga neni 257 i KPRK-së”./Lajminet
