Drejtoria për Shërbime Publike dhe Infrastrukturë sot ka bërë pastrimin e parkut prapa ish-Desit në Mitrovicë.
Me këtë rast, Drejtori i Drejtorisë për Shërbime Publike dhe Infrastrukturë, Naser Muja, ka theksuar se kjo hapësirë për katër vite radhazi nuk është mirëmbajtur dhe ishte lënë pas dore.
“Çdo hapësirë publike në qytet do të trajtohet me kujdes dhe do të pastrohet rregullisht, në mënyrë që qyteti të simbolizojë pastërti dhe të ofrojë ambient të këndshëm për qytetarët”, ka thënë Muja.
