Një incident me elemente të sjelljes arrogante është regjistruar të premten mbrëma në Leposaviq, ku një person është shoqëruar nga Policia e Kosovës pas provokimeve ndaj zyrtarëve policorë, njofton Mitropol.
Ngjarja ka ndodhur më 2 maj 2026, rreth orës 23:25, në rrugën “24 Nëntori”, ku sipas raportit policor, burri i dyshuar ka shfaqur sjellje provokuese dhe të papërshtatshme ndaj policëve që ndodheshin në detyrë.
Si rezultat i veprimeve të tij, ai është arrestuar dhe është dërguar për intervistim në stacion policor. Pas procedurave të nevojshme dhe në konsultim me prokurorin kompetent, i dyshuari është liruar në procedurë të rregullt.
Autoritetet nuk kanë bërë të ditur detaje shtesë lidhur me motivet e këtij veprimi, ndërsa rasti është duke u trajtuar sipas procedurave ligjore në fuqi./Mitropol/
