Agim Veliun për deputet e propozoi Ekrem Hyseni, dalin detaje nga mbledhja e LDK-së në Podujevë

Në mbledhjen e sotme të Kryesisë së Degës së LDK-së në Podujevë, janë votuar kandidatët për deputetë për zgjedhjet e 7 qershorit.

Ekrem Hyseni, njofton se “me qëllim të unifikimit të të gjithëve, si kryetar i Degës së LDK-së në Podujevë, kam propozuar që ndër kandidatët për deputet nga Llapi, të jetë edhe Agim Veliu, e në këtë garë po ashtu janë edhe katër kandidatë tjerë nga Dega jonë: Arjeta Salihu Abazi, Alisa Jetullahu, Zaim Thaçi dhe unë Ekrem Hyseni”.

Hyseni shkruan:

“Është momenti i të gjithë atyre që duan e që besojnë të kontribuojnë në këtë rrugëtim! Le të bashkohemi të gjithë, sepse LDK-ja është e të gjithëve!”.