Një rast i dhunës në familje është regjistruar mbrëmjen e së dielës në Mitrovicë, ku një person është arrestuar nga organet e rendit nën dyshimin se ka ushtruar dhunë fizike ndaj vajzës së tij, njofton Mitropol.
Sipas të dhënave zyrtare, i dyshuari ka sulmuar fizikisht vajzën e tij, duke shkaktuar ndërhyrjen e menjëhershme të policisë pas raportimit të rastit.
Viktima ka marrë ndihmën e nevojshme, ndërsa rrethanat e plota të incidentit janë trajtuar nga njësitet kompetente.
Pas ndërhyrjes së policisë, i dyshuari është arrestuar dhe është shoqëruar në stacion policor për intervistim. Në konsultim me prokurorin kompetent, pas përfundimit të procedurave fillestare dhe intervistimit, i dyshuari është liruar në procedurë të rregullt./Mitropol/
