Abdixhiku pas takimit me Limajn, gazetarëve: Me pasë dashtë me ditë për çfarë biseduam, ju kishim ftuar brenda
Kryetari i Lidhjes Demokratike të Kosovës, Lumri Abdixhiku dhe ai i Nisma Socialdemokrate, Fatmir Limaj janë takuar sot gjatë ditës.
Abdixhiku e quajti “të shkëlqyeshëm” takimin me Limajn.
“Ishte një takim i shkëlqyeshëm me një mik të shkëlqyeshëm siç është Fatmir Limaj”, tha ai.
I pyetur për diskutimet që janë bërë, kreu i LDK-së tha: “Me pasë dashtë ju me ditë, ju kishim thirr brenda në takim”.
Takimi vjen një ditë pasi kryetari i Lëvizjes Vetëvendosje, Albin Kurti nuk arriti ta krijojë një shumicë parlamentare për votimin e qeverisë së re, e cila dështoi të zgjidhej.
