Kryetari i Komunës së Mitrovicës, Agim Bahtiri, përmes një postimi në facebook ka komentuar nënshkrimin e marrëveshjes mes komunës, IADK-së dhe fermerëve mitrovicas për subvencionim në fushën e bujqësisë, shkruan Mitropol.
Ai ka theksuar se gjatë këtyre viteve komuna e Mitrovicës është komuna e cila ka pasur menaxhimin më të mirë në repartin e bujqësisë.
“Mitrovica ka pasur menaxhimin më të mirë të bujqësisë, ku kemi prirë me subvencionimin e interesit të kredive bujqësore për fermerët tanë.”, shkroi Bahtiri.
Ai theksuar se projekte të tilla dhe marrëveshjet e tilla janë katalizatori kryesorë i zhvillimit të bujqësisë në komunën që ai e drejton.
Postimi i plotë:
Me mekanizma bujqësor, pajisje për bletari, serra dhe me subvencionim financiar sot janë mbështetur 19 fermerë mitrovicas, në kuadër të projektit “Mbështetja në punësimin e të rinjve dhe grave në zonat rurale përmes zhvillimit të Bujqësisë”.
Ky projekt, si shumë të tjerë në bashkëpunim me IADK-në, janë katalizator të zhvillimit të bujqësisë. Mitrovica ka pasur menaxhimin më të mirë të bujqësisë, ku kemi prirë me subvencionimin e interesit të kredive bujqësore për fermerët tanë.
AB
