Aksident i rëndë me të lënduar mes 3 veturash në Prishtinë, shkaktari tenton të ikën në këmbë

Një aksident i rëndë trafiku ku janë përfshirë tri vetura ka ndodhur pak minuta më parë në Prishtinë, njofton “Mitropol”.

Aksidenti ka ndodhur tek vendi i njohur si “Rrethi i Amadeusit”, tek stadiumi “Fadil Vokrri”.

Burime të “Mitropol” brenda Policisë së Kosovës bëjnë të ditur se shoferi që ishte shkaktar për aksidentin tentoi të ikte nga vendi i ngjarjes në këmbë.

Në vendin e ngjarjes kanë dalë ekipet policore dhe ekipet shëndetësore, gjersa ende nuk dihet numri i saktë i personave të lënduar nga aksidenti.