Një aksident i rëndë trafiku ka ndodhur pak më parë në magjistralen Prishtinë-Mitrovicë, njofton “Mitropol”.
Aksidenti ka ndodhur në segmentin në Kçiq dhe dyshohet se nga aksidenti ku janë përfshirë tri vetura kanë pësuar lëndime disa persona.
Në vendin e ngjarjes janë tri ekipe emergjente nga QKMF e Mitrovicës për t’i trajtuar të lënduarit dhe për t’i bartur ata me autoambulancë. Veç tyre, aty ndodhen edhe ekipi i zjarrëfikësve.
Në vendin e ngjarjes kanë arritur edhe ekipe policore.
“Mitropol” ka kontaktuar edhe Policinë e Kosovës dhe do ju informoj për detajet.
