Aksident i rëndë trafiku në Tunelin e Parë tek Flotacioni – Policia dhe ambulanca në vendngjarje

Një aksident i rëndë trafiku ka ndodhur mbrëmjen e sotme në Tunelin e Parë pranë Ambulantës dhe Flotacionit në Mitrovicë, ku dyshohet se ka persona të lënduar, njofton Mitropol.

Pamjet nga vendngjarja tregojnë prezencë të shtuar të policisë dhe ekipeve emergjente, të cilat po merren me menaxhimin e situatës dhe ofrimin e ndihmës së parë.

Sipas dëshmitarëve, në aksident janë përfshirë një taksi dhe një veturë e tipit Golf 4.

Ende nuk dihet numri i saktë i të lënduarve, ndërkohë që ekipet e emergjencës janë duke u kujdesur për personat e prekur dhe duke bërë transferimin e tyre në QKMF apo Spitalin Rajonal, varësisht nga nevojat mjekësore.

Mitropol do t’ju mbajë të informuar me detaje të reja sapo të ketë konfirmim zyrtar nga Policia e Kosovës dhe institucionet shëndetësore.