Alarm i rremë për zjarr në një banesë në qendër të Mitrovicës, zjarrëfikësit u nxorrën jashtë pa arsye

Një alarm për zjarr në një objekt banesor i dikujt nga banorët e lagjes “Bedri Gjinaj” në qendër të Mitrovicës ka vënë në gatishmëri zjarrëfikësit mitrovicas, njofton “Mitropol”.

Por, alarmi doli të jetë i rremë.

Kështu bëri të ditur për “Mitropol” një zyrtar policor në vend të ngjarjes.

Sipas tij, dikush nga banorët kishte lajmëruar se ka zjarr në banesë, mirëpo diçka e tillë nuk kishte ndodhur.

Zjarrëfikësit e bënë inspektimin rreth e përçark objektit, mirëpo nuk u pa të ketë pasur zjarr dikund, andaj edhe u kthyen në bazë pa intervenuar./Mitropol/