Alarm për bombë në Tiranë, Antiterrori evakuon zonën mes Ambasadës së Kosovës dhe asaj të Serbisë

Një alarm për bombë është lajmëruar në një prej zonave të rëndësishme të Tiranës, ku ndodhen disa prej institucioneve më të larta të vendit, si dhe disa ambasada të huaja.

Forca të shumta policie u dërguan në vendngjarje, përfshirë edhe njësinë antieksploziv, e cila u thirr për të hetuar dhe neutralizuar çdo kërcënim të mundshëm.

Prezenca e madhe e policisë është parë në rrugën “Donika Kastrioti”, ku ndodhet Ambasada e Serbisë dhe Ambasada e Kosovës.

Po ashtu, në këtë zonë ndodhet selia e PD-së euroatlantike, e grupimit të Lulzim Bashës, si dhe përballë saj ndodhet Gjykata Kushtetuese.