Rastet kur qytetarët në gjendje afekti shkaktojnë dëme ndaj pronës publike janë të shumta gjithandej Kosovës.
Një rast i tillë është shënuar të dielën e 8 tetorit në ora 01:05 pas mesnate në një spital në Mitrovicë, njofton “Mitropol”.
Një qytetar ka shkuar në gjendje të dehur për trajtim mjekësor në një spital, dhe i njëjti si pasojë e veprimeve të pakontrolluara ka dëmtuar një derë dhe një shtrat.
I njejti është arrestuar nga Policia e Kosovës pas dëmeve që ka shkaktuar.
Në konsultim me prokurorin i dyshuari është ndaluar deri në këndellje dhe pas intervistimit është liruar.
