Një rast i rëndë ndodhi sot në Skenderaj, ku një person u ekzekutua me armë zjarri, për motive akoma të panjohura. Viktima Ismet Ibishi mbeti i vrarë në vendin e ngjarjes, ndërsa tashmë janë identifikuar dy persona të dyshuar, njëri prej të cilëve është Hisni Ibishi.
Zëdhënësi i Prokurorisë Themelore në Mitrovicë, Valon Preteni, ka deklaruar se rasti i vrasjes së 42-vjeçarit në Skenderaj është cilësuar si “Vrasje e rëndë”.
Lidhur me rastin janë dy të dyshuar, teksa “Mitropol” mëson nga burime të sigurta se njëri nga ta është arrestuar ndërsa tjetri është ende në arrati.
