Arrestohet për armëmbajtje pa leje një person në Leposaviq
Policia e Kosovës ka arrestuar për armëmbajtje pa leje një person në Soçanicë të Leposaviqit, shkruan Mitropol.
I dyshuari mashkull kosovar është hasur nga patrulla policore me një pushkë gjuetie dhe 12 fishekë.
Pas kontrollit në shtëpinë e tij, janë gjetur dhe sekuestruar tri pushka të tjera dhe 197 fishekë kalibrash të ndryshëm.
“Pas intervistimit, me vendim të prokurorit, ai është dërguar në mbajtje.”, thuhet në raport.
