Arrijnë 35 mijë doza të vaksinës PFIZER në Kosovë, donacion nga SHBA, reagojnë edhe nga Departamenti i Shtetit
Gjatë ditës së sotme kanë arritur plotë 35 mijë doza të vaksniës Pfizer në Kosovë, shkruan Mitropol.
Këto doza me vaksinën Pfizer, janë donacion i dhuruar nga Shtetet e Bashkuara të Amerikës, e që ditëve në vijim pritet të vijnë edhe plotë 500 mijë doza në total si ndihmesë nga aleati më i fuqishëm i Kosovës, SHBA.
Donacioni i SHBA-ve është pritur nga Presidentja e vendit, Vjosa Osmani dhe Kryeministri i Republikës së Kosovës, Albin Kurti. Të dy zyrtarët shetërorë kanë falënderuar SHBA-në për ndihmën e vazhdueshme që po i bëjnë Kosovës.
Në lidhje me këto vaksina pati reagime edhe nga Zëdhënësi i Departamentit të Shtetit në SHBA, Ned Price, përmes një postimi në tëitter theksoi se Kosova e shëndetshme dhe e pavarur është një partner i fuqishëm për SHBA-në.
“Një Kosovë e shëndetshme dhe e pavarur është partner i fuqishëm për ShBA-në”, shkroi Price.
Kujtojmë që intensiteti për tu vaksinuar është rritur mjaftë shumë ditëve të fundit në Kosovë.
