Bastisje për vrasjen e trefishtë në Gllogjan/ Policia gjen prova për fajde dhe bixhoz, Krimet Ekonomike në aksion
Në vazhdën e hetimit intensiv që po realizohet për rastin në Gllogjan, Policia ka kryer disa bastisje me urdhër të Gjykatës Themelore në Pejë.
Ndonëse nuk janë siguruar prova konkrete për identifikimin e autorëve të vrasjes së trefishtë, megjithatë Sinjali mëson se janë siguruar prova për veprat penale që lidhen me fajde dhe bixhoz, të cilat u janë transferuar Krimeve Ekonomike për hetim të mëtutjeshëm.
Sinjali merr vesh se Krimet Ekonomike të asistuara nga zyrtarët policorë, po zhvillojnë një aksion, i cili ka rezultuar me arrestimin e disa personave të dyshuar për kryerjen e këtyre veprave.
Ende po pritet konfirmimin zyrtar nga Policia e Kosovës.
