Monday, June 8, 2026
Active 2
LAJME

BE edhe më e ashpër, i ndalon mediat dhe fluturimet ruse në territorin e saj, blen armë për Ukrainën

Mitropol

Bashkimi Evropian po e rrit mbështetjen për Ukrainën dhe paralelisht i ka shtuar sanksionet kundër Rusisë. Presidentja e Komisionit Evropian, Ursula von der Leyen në një konferencë për media me shefin e diplomacisë së BE-së, Josep Borrell njoftoi se për herë të parë, BE-ja do të blejë armë për Ukrainën dhe do t’ia dërgojë atje.

“Për herë të parë, BE do të financojë blerjen dhe dërgimin e armëve dhe pajisjeve në një vend të sulmuar. Ne gjithashtu po forcojmë sanksionet tona kundër Kremlinit”, njoftoi Ursula von der Leyen.

London

Ajo e përgëzoi presidentin ukrainas Volodymyr Zelensky, i cili tha se ishte frymëzim për gjithë BE-në

“Ne i mirëpresim krahëhapur ata që duhet të ikin nga bombat e Putinit”, tha presidentja e Komisionit Evropian.

“Së pari, ne po mbyllim hapësirën ajrore të BE-së për avionët në pronësi ruse, të regjistruara ruse ose të kontrolluara nga Rusia. Ata nuk do të jenë në gjendje të zbresin, të ngrihen ose të fluturojnë mbi territorin e BE-së. Përfshirë avionët privatë të oligarkëve”, tha ajo ndër tjerash.

Si pjesë e sanksioneve të radhës është edhe ndalimi i mediave të Putinit në Evropë.

“Kompanitë shtetërore Russia Today dhe Sputnik dhe filialet e tyre,
nuk do të jenë më në gjendje të përhapin gënjeshtrat e tyre për ta justifikuar luftën e Putinit. Ne po zhvillojmë mjete për ta ndaluar dezinformimin e tyre toksik dhe të dëmshëm në Evropë”, tha presidentja e KE.

Sanksionet e BE-së e godasin edhe bashkëpunëtorin e putinit, regjimin e Aleksanër Lukashenkos në Bjellorusi.

“Së treti, ne do të synojmë agresorin tjetër në këtë luftë, regjimin e Lukashenkos, me një paketë të re sanksionesh, duke goditur sektorët e tyre më të rëndësishëm. Të gjitha këto masa vijnë në krye të paketës së fortë të paraqitur dje, të rënë dakord nga partnerët tanë ndërkombëtarë”, tha Ursula von der Leyen.

Premium Store

NGA KATEGORIA