I kishte shiritat e vendosur nga inspektorati, vazhdojnë punimet në një objekt në Mitrovicë e Veriut
Policia e Kosovës ka njoftuar se kanë filluar punimet në një objekt në Mitrovicën Veriore anipse punimet ishin ndaluar nga inspektorët.
Sipas raportit të PK-së, “ne vendngjarje ishte hequr shiriti dhe ishin bërë punime (vendosja e dyerve dhe dritareve).”
Raporti i plotë:
DËMTIM APO HEQJE E VULAVE ZYRTARE
Rr. Lola Ribar, Mitrovicë Veri / 27.07.2024 – 09:41. Raportohet se derisa njësiti policor ishte në asistim të inspektorëve komunal të komunës Mitrovicë Veriore, mbrapa stacionit të autobusëve ishte një objekt i ndërtuar pa leje, i cili kishte pasur edhe shiritin e vendosur. Ne vendngjarje ishte hequr shiriti dhe ishin bërë punime (vendosja e dyerve dhe dritareve). Lidhur me rastin është njoftuar prokurori. Rasti nën hetime.
