Kearns: Radojçiq dhe përgjegjësit e sulmit në veri të përballen me drejtësinë

Deputetja britanike, Alicia Kearns, ka kujtuar njëvjetorin e vrasjes së Afrim Bunjakut nga sulmi terrorist në Banjskë të Zveçanit.

Kearns përmes një postimi në rrjetin social X ka kërkuar që terroristi, Milan Radojçiq dhe përgjegjësit e tjerë të sulmit në veri të ballafaqohen me drejtësinë.

Sipas saj drejtësia është e nevojshme për paqe në Ballkan.

“Një vit nga sulmi i Banjskës. Një vit nga vrasja e Afrim Bunjakut. Milan Radojçiq dhe përgjegjësit duhet të përballen me drejtësinë. Drejtësia është e nevojshme për pajtimin dhe paqen në Ballkan”, ka shkruar deputetja britanike.