Policia gjen armatim, municion dhe pajisje të ndryshme në Mitrovicë të Veriut
Policia e Kosovës në veri të Mitrovicës gjatë kontrollit në një kulm të një ndërtese ka gjetur armë, municion dhe pajisje të ndryshme.
Sipas njoftimit të PK-së, dëshmitë të cilat janë gjetur dhe konfiskuar janë: një AK-47, pesë karikatorë me municion të AK 47, 136 fishekë të AK-47, një çantë krahu, dy radio-lidhje të dorës, një radio lidhje për veturë, dy mbushës radiolidhjesh, si dhe një tytë shtesë e AK-47.
Policia ka bërë të ditur se janë kryer disa intervistime të personave në këtë ndërtesë, ku të gjitha veprimet e mëtejme do të ndërmerren nga organet e drejtësisë.
