Ekipet e kërkim-shpëtimit vazhdojnë kërkimin e personit që u hodh nga ura në Ujman dhe s’doli më
Një person i cili është hedhur sot nga lartësia në liqenin e Ujmanit dyshohet se humbi jetën në ujë, raporton ekskluzivisht Mitropol.
Në vendin e ngjarjes kanë dalur ekipet e kërkim-shpëtimit dhe të njëjtit bënë kërkime në ujë për gjetjen e trupit të pajetë.
Lajmi se një person nuk doli në sipërfaqe të ujit pasi u hodh u konfirmua për “Mitropol” nga Policia e Kosovës në regjionin e Veriut.
Petrit Fejza tha se kanë pranuar informatën se një person u hodh dhe nuk doli më nga uji, gjersa ekipet janë angazhuar për gjetjen e tij.
Në vendin e ngjarjes ndodhen edhe ekipe të shumta policore.
Kërkimet po vazhdojnë tash e gjysmë ore.
“Mitropol” do ju mbajë të informuar për çdo zhvillim.
