Ekskluzive: Minatorët që u ngujuan mbrëmë në minierën e Trepçës, u nxorën sot pas orës 05:00 të mëngjesit

Mbrëmjen që lam pas u raportua se dhjetëra minatorë që kanë përfunduar ndërrimin e dytë nuk kanë arritur të dalin nga Miniera e Trepçës.

Kreu i Sindikatës së Pavarur të Minatorëve, Ibrahim Jonuzi konfirmoi për “Mitropol” se dhjetëra minatorë mbetën të ngujuar në horizontet e minierës.

Siç mëson “Mitropol”, arsyeja e ngujimit ishte një defekt elektrik në Parkun Industrial.

Burime ekskluzive të “Mitropol” konfirmojnë se minatorët e ndërrimit të dytë u arrit të nxirren që aty tek pas orës 05:00 të mëngjesit të sotëm.

Përndryshe kjo nuk është hera e parë që minatorët e Trepçës përballen me vështirësi të këtij lloji.