E konfirmon policia: Gjashtë të lënduar nga aksidenti në magjistralen Mitrovicë – Prishtinë

Mbrëmjen e sotme rreth orës 20:30 ka ndodhur një aksident trafiku në magjistralen Mitrovicë – Prishtinë, përkatësisht në Stanovc.

Në këtë aksident janë përfshirë tri vetura, njofton ‘Mitropol’.

Zëdhënësi i policisë për rajonin e Mitrovicës, Avni Zahiti, ka konfirmuar se nga ky aksident janë lënduar gjashtë persona.

Raporti i plotë:

“Aksident trafiku me lëndime

Sonte, rreth orës 20:30, është raportuar për aksident trafiku i ndodhur në rrugën nacionale Mitrovicë- Prishtinë në kilometrin 18,  segmenti rrugor në  Stanovc  në aksident  janë përfshirë tri vetura, si pasoj e aksidentit gjashtë persona janë  lënduar.”