Arrestohen tre persona në Mitrovicë për posedim të drogës,njëri prej tyre kishte urdhër-arrest
Policia e Kosovë ka arrestuar tre persona në Veri të Mitrovicës, pas ndalimit të automjetit nën dyshimin për posedim të substancave narkotike është kontrolluar automjeti dhe në të është gjetur sasi e dyshuar e kokainës dhe marihuanës, shkruan Mitropol.
Tre të dyshuarve me inicialet N.M , M.T dhe D.J i’u është gjetur në veturë sasi e dyshuar e kokainës me peshë rreth 10 gramë, sasi e dyshuar e marihuanës me peshë 98 gramë, para (kesh) 83540 dinar të Serbisë dhe 205 euro dhe katër telefona mobilë.
Pas verifikimit të personave të ndaluar nga Policia e Kosovës ka rezultuar se i dyshuari me iniciale (M. T.) , ka urdhër-arrest aktiv në lidhje veprën penale për narkotik/laborator droge.
“Në lidhje me rastin është njoftuar prokurori kujdestar dhe me aktvendim mbi ndalim për tre (3) personat e dyshuar është caktuar masa e ndalimit policor prej 48 orësh” thuhet në njoftimin e policisë.
Njoftimi i plotë:
Policia e Kosovës në Mitrovicë veri arreston tre persona të dyshuar,
njëri nga ta kishte urdhër-arrest aktiv në lidhje me një laborator droge
Prishtinë, më 23 nëntor 2023
Me datën 23.11.2023 rreth orës 03:15, Policia e Kosovës, konkretisht Njësia Patrulluese e Stacionit Policor Mitrovicë-veri, gjatë angazhimeve të saj në garantimin e sigurisë dhe parandalimin e veprave penale, ka ndaluar për kontroll automjetin e tipit VW Golf, të cilën e drejtonte i dyshuari me iniciale m/s (N. M.) dhe pasagjerë në automjet ishin të dyshuarit me inicialet (M. T. dhe D. J.)
Pas ndalimit të automjetit nën dyshimin për posedim të substancave narkotike është kontrolluar automjeti dhe në të është gjetur sasi e dyshuar e kokainës dhe marihuanës.
Janë informuar njësitet tjera relevante, përfshirë Antidrogën, Forenzikën dhe janë evidentuar dhe sekuestruar si prova materiale dëshmitë si në vijim:
Dëshmitë e sekuestruara janë evidentuar si ne vijim:
• sasi e dyshuar e kokainës me peshë rreth 10 gramë,
• sasi e dyshuar e marihuanës me peshë 98 gramë,
• para (kesh) 83540 dinar të Serbisë dhe 205 euro dhe
• katër (4) telefona mobilë.
Gjatë verifikimit të personave të ndaluar nga Policia e Kosovës ka rezultuar se i dyshuari me iniciale (M. T.) m/s, ka urdhër-arrest aktiv në lidhje veprën penale për narkotik/laborator droge.
Në lidhje me rastin është njoftuar prokurori kujdestar dhe me aktvendim mbi ndalim për tre (3) personat e dyshuar është caktuar masa e ndalimit policor prej 48 orësh.
