02LAJME

Pronarit të cilit dje iu bastis bastorja në Zveçan, sot iu gjetën thasë me rërë në një shtëpi private

Gjatë ditës së djeshme “Mitropol” raportoi ekskluzivisht se Policia e Kosovës kreu bastisje në një pronë publike të Komunës së Zveçanit, e cila u shfrytëzua nga organizatat terroriste si Mbrojtja Civile dhe Brigada e Veriut. Në atë objekt u gjetën thasë të mbushur me rërë, të cilat sipas policisë janë shfrytëzuar kur barrikadat u vendosën në veri në vitin 2022. Përveç atij objekti, policia bastisi edhe një objekt ku u gjetën pajisje të lojërave të fatit.

E vazhda e hetimeve të Policisë së Kosovës, ka vazhduar edhe sot, prej nga është bastisur një shtëpi private.

Koha
Florenti Company
Market Florenti

Këtë e ka konfirmuar për “Mitropol”, Zëvendës-Drejtori i Policisë për Rajonin e Veriut, Veton Elshani.

“Policia ka hasur në thasë të tjerë me rërë e që besohet të kishin qenë aty që nga koha e barrikadave në vitin 2022”, tha Elshani për “Mitropol”.

Tutje ai tha se pronari i kësaj shtëpie ku sot u gjetën thasët, njëherit është edhe pronari i shtëpisë ku dje u konfiskuan disa pajisje të lojërave të fatit, dhe ai aktualisht është duke u intervistuar nga policia.