KOSOVËLAJME

Ky është hetuesi policor që u arrestua në flagrancë nga IPK, dyshohet për marrje ryshfeti

Inspektorati Policor i Kosovës ka arrestuar sot një zyrtar policor me dyshimin se i njëjti ka kryer veprën penale të “Keqpërdorim i detyrës zyrtare apo autoritetit” dhe “Marrje ryshfeti”.

Siç mëson Sinjali, zyrtari policor që ra në prangat e IPK-së është Bekim Hyseni – hetues në stacionin policor në Obiliq.

Market Florenti
Florenti Company
Koha

Hyseni u prangos sot në flagrancë pas disa veprimeve hetimore duke përfshirë edhe hetimin me masa të fshehta hetimore.

IPK ka njoftuar se ndaj tij, Prokurori i Shtetit ka urdhëruar masën e ndalimit policor.

“Bazuar në veprimet hetimore që hetuesit e IPK-së kanë realizuar deri më tani, dyshohet se zyrtari policor ka pranuar 1000 Euro për të interferuar në hetimet e një rasti penal.

Hetuesit e IPK-së  në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast.” – njoftoi IPK.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.